Thursday, May 19, 2016

වියරු සොබාදහම

මේ ව්‍යසනයට හුදෙක් සොබා දහම පළි නැත. මේ ව්‍යසනය හුදෙක් මානව අකටයුතුකම් වල අතුරු ප්‍රථිපලයකි. ලක් දෙරණේ පියස්ස බඳු වූ කඳුකරයේ වන වැස්ම කපා අක්‍රමවත් වගාවන් සිදු කිරීමෙන් නොනැවතී පහත් වගුරු බිම් ගොඩ කර සංවර්ධනයේ නාමයෙන් සොබාදහමට සිදුකරන කෙනෙහිලිකම් තව දුරටත් ඉවසිය නුහුනු තැන සොබා දම් මාතාවට සිය දුක්ඛ දෝමනස්සය මෙලේස හඬා වැලපෙමින් පිට කරන්නට සිදුවෙයි. ඉතින් සහෘදය අප විසින් අපේ සොබාදම් මාතාව කෙලෙසා කවර නම් සුගතියක් ලබම්ද.......
තද හිරු රැස් ඇති සමයේ හිරුට දෙස් තැබීමෙන්ද
තද වැසි සමයේ වැස්සට ගැරහීමෙන්ද පලක් නැත
හැකි අයුරින් සොබා දම් මාතාව සුරකින්න එක්වෙන්න... ඒ අපේ ජීවනාලයියයි. ඒ අපේ හද ගැස්මයි....

මට තියනවා හීනයක්, කවදහරි කඳුකෙරයෙන් තේ ඉඩමක් මිලට ගෙන වනාන්තරයක් වවන්න. නමුත් තාම මම ඒ  හීනෙට  පුංචි වැඩියි. ඒක තාම හීනයක්ම විතරයි... 

Thursday, February 13, 2014

මමත් ආසයි!


මං ආසයි ලබන්න බොළද විදියට ආදරේ කරන බුද්ධිමත් කෙල්ලෙක්ව... හැබැයි මං එහෙම කෙනක් බලාපොරොත්තු වෙන්නෑ.

මං ආසයි සල්ලි ගොඩාක් එකපාර නිකම්ම ලබන්න... නමුත් මං එහෙම බලාපොරොත්තුවෙන්නෑ.

මං ආසයි ......

මං ආස දේවල් නම් කොච්චර තියනවද. ඔබ ආස දේවල් නම් කොච්චර ඇද්ද. නමුත් ඔබටවත් මටවත් අපි ආසකරන හැම දේම ලබාගන්න බෑ.

ඇයි අපි මේවට ආස කරන්නෙ. අපිට අවශ්‍ය නිසාද? නෑ... කිසිම අවශ්‍යතාවයක් ඇතුව නෙමේ. අවශ්‍යතාවයක් මවාගෙන. ලෝබකමක් හිතාගන.

මං දැං මේක කිව්ව කියල මගේ හිතේ තියන ආසාව නැති වුනේ නෑ. නමුත් හැම බලාපොරොත්තුවකටම වඩා වැදගත් ඉලක්ක ජීවිතේ තියනවා!!

Saturday, February 16, 2013

සරසවිය නිමවිය!

ඉතින් විදුලකර මාතාවෙනි ඔබට ආයුබොවන්!!!

මේ ලිපිය බොහෝම කාලෙකට පස්සෙ ලියන්න ගත්තෙ අද මේක නොලිව්වොත් මගේ බ්ලොග් එකේ විශාල අඩුවක් වෙන නිසා... අද මම මේ ලිපිය ලිවිය යුතුමයි...
ඔබට මතක ඇතුවාද දන්නෑ මම වසර තුනකට පමණ පෙර මේ බ්ලොග් එකේ පල කල ලිපියක්... අමතක නම් හෝ කියවා නැතිනම් මෙතනින් පිවිසෙන්න...

මම අද (2013/02/16) ගැන කියන්නම්. අද මට මගේ ජීවිතේ වටිනා දවසක්. ඔව් ඇත්ත. ඒ අද අන්තිම දවසක් නිසා. මගේ විශ්වවිද්‍යාල ජීවිතේ මම ගත කළ අන්තිම දවස.... 
නෑ මම ආය විශ්වවිද්‍යාලය පැත්තෙවත් යන්නෑ නෙමෙයි.... නමුත් නිල වශයෙන් මම විශ්වවිද්‍යාලයේ සිටිය අන්තිම දවස අද.

විවිධ අත්දැකීම්, බාධක, ප්‍රහසන, විනෝදය, අමන්දානන්දය..... එකී මෙකී නොකී සියලු අත්දැකීම් කැටිකරගත්තා වූ විදුපියසේ ජීවිතයට සමුදෙන මොහොතේ මම විදුපියසින් ලද දේ ගැන පැවසිය යුතුමයි.

එදා කැළණිය කන්ද නැගගෙන බයෙන් බයෙන් කැම්පස් එකට ගිය පොඩි ගැටව් මෙදා පිරිපුන් මනුෂ්‍යන්ව කන්ද බහින්නෙ හද පිරි ශෝකයද කැටිකරගෙන... 


මට මේ දැනෙන දේ ඔබට හඟවන්න වදන් නෑ. කොතරම් නම් දේ මම ලැබුවද මේ විදුපියසින්. කොතරම් නම් මිතුරන් හමුවුනාද මේ විදුපියසින්. වරෙක මට මතකයි මම මේ විදුපියසේ අධ්‍යාපනයට තරයේ විරෝධය පෑවා. කොටිම්ම ඒ කාලයේ මෙහි අධ්‍යාපනය මට වහ කදුරු මෙන් තිත්තව පැවතියා. එකල මට ඕනැ වුනේ විදුපියසින් ඉක්මනින් නික්මෙන්නට. නමුත් අද... අද මට හැකි නම් තවත් කාලයක් මේ විදුලකර විදුපියසේ විද්‍යාර්‍ථියෙක් වෙන්න...

 තල්වැට 

විශ්වවිද්‍යාලයේ ගිය බොහොදෙනෙකුට මෙන් මට නම් මගේ පෙම්වතිය විශ්වවිද්‍යාලයෙන් සොයාගන්නට බැරි වුනා. වසර තුනක් තිස්සේ ගියා ආවත් හැමදාම කන්ද නැග්ගෙත් බැස්සෙත් තනිවමයි. නමුත් විදුපියසේ සිටින තාක්කල් මට විවිධාකාරයේ මිනිසුන් මුනගැසුනා, දැනහඳුනාගත්තා, කතාබහ කලා, අදහස් උදහස් සමග කටයුතුකලා... ඉතින් ඒ මදිද පිරිපුන් අද්දැකීමකට... 

එදා අපිව පිලිගත්තු අයියල අක්කල අද අපේ ලඟම ඥාතිවරු වගේ.. අනේ උන් නම් අපිට කිසි කරදරයක් හිරි හැරයක් කලේ නෑ... උඹල බයවෙන්න එපා, විදුලකර විදුපියසේ විද්‍යාපීඨය හැම අතින්ම හොඳින් පැවතියා...
(අද සහ හෙට විද්‍යාපීඨය ගැන මම කිසිවක් නොකියමි.) අපේ ජේෂ්ඨයෝ හිත හොඳ මිනිස්සු... ඒ අයියල අක්කල අපිට මග පෙන්නුවා... පාසලකට වඩා වෙනස්වූ අලුත් ජීවන සංස්කෘතියක් තුල ජීවත්වෙන්න අපිට උර දුන්නා.

ඉතිං අපිත් එලෙසම අපේ බාල පරම්පරාවට උර දුන්නා... ඉතිං අපි බලාපොරොත්තු වෙනවා ඒ අයත් තමන්ගෙ සහෝදර නංගිල මල්ලිටත් උරදේවි කියා... 

රැග් එක?? බයවෙන්න එපා බං. මෙහේ එහෙම එකක් නෑ. මොකද්ද උඹල රැග් එක කියන්නෙ? උඹල මරන්න හදන කවුරුත් මෙහේ නෑ. ඒ උඹල අදුරගන්න, උඹලටම උඹල හඳුන්නල දෙන සොඳුරුතම කාලපරිච්ඡේදයක් විතරයි.....

කොච්චර දේවල් කියන්න ඕන වුනත් මට ලියවෙන්නෑ....
විශ්වවිද්‍යාලයෙන් ලබන අද්දැකීම් නම් ජීවිතයක් තුල ලැබිය යුතුමයි මම අද අදහස් කරන්නෙ එහි ඵල මම නෙලා ගත් නිසා... උපාධිය විශ්වවිද්‍යාලයෙන් ලැබෙන එකම ප්‍රධාන දේ නොවෙයි. විශ්වවිද්‍යාලයෙන් ජීවිතයට ලැබෙන්නේ ඊට එහාගිය දෙයක්.... වචනයේ පරිසමාප්තියෙන්ම පරිපූර්ණ සමාජීය වටපිටාවක්. එහි උගතුන්/බුද්ධිමතුන් හැමවිටම හැමතැනම නෑ. නමුත් මිනිසුන්, මනුස්සකම දත් මිනිසුන් ඉන්නවා... ඉතින් එන්න, මේ දේවල් නිදහස් අධ්‍යාපනයෙන් උසස් අධ්‍යාපනය ලබන්නට වරම් ලබන විසිදහසක පමණ වූ ඔබට පමණමයි... උපාධිනම් හෑම තැනකින්ම ගනිතත්, විදුපියසක සැබෑම අත්දැකීම් කැටිකරගන්නට නම් මෙහි පැමිණිය යුතුමයි.!!!! 

යලි මම විදුපියසට පැමිනේවි, කොතෙකුත් වරක් පැමිණේවි... ඒත් කෝ අපේ බැචාල බැචීලා?? කෝ දෙයියනේ මෙතන හිටපු එකට බුලකෙලපු, හාල් වුනු, පිස්සුකෙලපු, හොර අත්සං ගහපු, කට්ටිපැනපු, කුප්පිදාපු, නාට්‍ය වල හූ කියපු,................... උං... කෝ???


Tuesday, November 6, 2012

හිඟන්නා




ගිනියම් වෙච්ච මහපොළවමත
මහ දවාලක කඩමාල්ලක දවටාගෙන
මහපාරේ අව්වට පිච්චෙන්නේ
ආසාවට නෙමෙයි
ගෙයක් දොරක් නැතිකමටමත් නෙමෙයි
දවාලියෙන් කඩිමුඩියෙ සතයක් දෙකක් අතගෑවෙ නැත්තම්
බඩගින්නෙ මියැදෙන්න වෙන නිසා
-- අපට කොයිනද වායුසමනය කරපු මංමාවත් හිඟා කන්න...

Thursday, July 5, 2012

මැණිකෙ



මා හද බැදි නුඹෙ රුව
ඈත එපිටින් මතුව විට
කීරි ගැහෙන මගේ සිත
ආදරෙයි කියයි මැණිකෙට මම....

ඈත දීම සවන් වැකුනු 
නුඹෙ සුමිහිරි නද
පසක් කරවයි මා නුඹ සමග බව....

කඳුකරේ සිරියාවි නුඹ
වනගොමු මැදින් යන සඳ‍
පැද්දෙන ගැස්සෙන ඉඟ සුඟ
මිටින් ගත නොහේ මා හට

පෙම් බදිමි මා නුඹට....
උඩරට පොඩි ටිකිරි සේරමට
කොලොම්පුරෙන් ආ නුඹ
බදුලු ගමනේ මගේ කුමරිය.... 

Friday, May 11, 2012

උබුන්ටු 12.4 මත සිංහල ස්ථාපනය (How to install sinhala on Ubuntu 12.4)


කාලෙකට පස්සෙ ඔන්න තාක්ෂණික ලිපියක් සමග ආව.

උබුන්ටු මත සිංහල ස්ථාපනය කර ගැනීම.  මේක සමාන්‍ය කාරණයක්. උබුන්ටු භාවිතා කරන හුගක් අය මේ ගැන දන්නවා. හැම උබුන්ටු සංස්කරණයකදිම වගේ අලුත්ම උබුන්ටු සංස්කරණය වන උබුන්ටු 12.4 සංස්කරණයෙදීත් සිංහල යුනිකේත පද්ධතිය සමගම ලැබෙනව. නමුත් උබුන්ටු මතදි යුනිකේත භාවිතයෙන් යතුරුලියනය සදහ iBus configure කරගන්න ඕන. සාමාන්‍ය විදියට අලුතින් භාෂාවක් එකතු කරගන්න බැලුවොත් චීන භාෂාව විතරක් එකතු කරගන්න පුලුවන් කියල දිස් වේවි. නමුත් අපිට සිංහලෙන් ලියන්න කියන්න නේ ඕනෙ. ඒක කරන්නෙ මෙහෙමයි.

පියවර 1:  root/superuser account එකට ලොග් වීම.

මේ පියවර වැදගත්. සාමාන්‍ය දන්න ක්‍රමේට, එහෙම නැත්තම්, වෙබ් අඩවි වලින් දීල තියන විදියට ටර්මිනල් කොඩ් එක දුන්න හැටිය මෙහෙම පෙන්වනව නේ.

එතකොට නම් ටිකක් තරහ යනව නේ.  ;)
තරහ ගන්න කාරි නෑ. ඒක කරන්නෙ මෙහෙමයි.




මුලින්ම root එකවුන්ට් එක ඇක්ටිව් කරගන්න.
ඒ සදහා sudo passwd root ලෙස ටර්මිනල් වින්ඩෝවෙ ටයිප් කරන්න. එවිට පහත පරිදි පයවර කීපයකින් root account එක ඇක්ටිව් කරගත හැක.





හරි ඒ කොටස සාර්ථකව නිමකරගත් ඔබ දැන් ටර්මිනලයෙන් root එකවුන්ට් එකට ලොග් විය යුතුයි. මේ සදහා su යන විධානය භාවිතා කරන්න. එවිට පහත ආකාරයට ඔබ root වෙත ලොග් වනු ඇත.






පියවර 2: ස්ථාපනය කිරීම
පළමු පියවර සාර්ථකව නිම කල ඔබට දැන් සාමාන්‍ය ආකාරයටම iBus සකසා ගත හැක.

  • As root/superuser, run:
    apt-get install ttf-sinhala-lklug ibus im-switch ibus-m17n m17n-db m17n-contrib 
    language-pack-si-base
  • From your user account (i.e. not root) run:
    rm -f ~/.xinput.d/* ; im-switch -z all_ALL -s ibus
  • Logout and login again. Environment variables need to be set/updated (NO NEED TO REBOOT)
  • From your user account (i.e. not root) select your keyboard layouts by running:
    ibus-setup


ඉහත පියවර සම්පූර්න රීමෙන් පසු ibus preference වෙත ගොස් සිංහල භාෂාව input method එකක් ලෙස එකතු කරගන්න.













මෙසේ සිංහල භාෂාව එකතු කරීමෙන් පසු ctrl+space මගින් ඔබට භාෂාව මාරුකරගත හැක. අවශ්‍ය නම් ඒ යතුරු සබදතාවද මෙමගින් වෙනස් කරගත හැක.

එසේ නම් උබුන්ටු මත සිංහලේන් ලියන ඔබට ජය.....

Thursday, April 12, 2012

ගණිතය විරහ වුන මම.....


සංඛ්‍යාරේඛාවෙ සිට
ද්විමාන කාටිසියානු තලය හරහා
ත්‍රිමානය දක්වා පැමිණි 
නුඹෙත් මගේත් ආලයට
නව මානයක් සොයා යන්නට කාලය ඇවිත්.... 

අනන්තයේ අපිරිමිත රේඛා වල සිට
වර්ථමානයේ සමුද්දේශය හරහා
අනාගතයේ සාපේක්ෂතාව සොයා යන්නට
නොහැකි මන්දැයි ඇසු විට
පිළිතුර නුඹ තවම සෘජුකෝනාශ්‍රයක හිරවීම බව
පසක් වුනි මට.... මගේ නිරපේක්ෂ මනසට..... 

ද්විමාන තලයේන් 
ත්‍රමාණතලයට වැටි 
ගණිතය විරහ වුන මම.....