Sunday, January 31, 2010

මමත් බ්ලොගයට ඉමෝටික්ස් එකතුකරගත්තා....

අලුතෙන් බ්ලොගයට සිකයිප් ඉමෝටික්ස් (මූනු) එකතුකරගත්තා.

garupalegarupalegarupalegarupalegarupalegarupalegarupalehahhahhah

මෙන්න මෙවගෙ හැගීම් කෙටියෙන් දක්වන්න යොදාගන්න මූනු අපිට චැට් කරද්දි එහෙම කොච්චර ප්‍රයෝජනවත්ද.
බ්ලොග්වල මේවා දැකල තිබුනත් blogger වලටත් යොදාගන්න පුළුවන් කියල දැනගත්තෙ පිස්සාගෙ ලෝකය
බලද්දීයි. එ පිළිබදව පිස්සා අයියාගෙන් අහපුවම තමයි මට තිලිණ අයියාගෙ Blogger වලටත් Skype Emoticons
ලිපියට මාව යොමු කලෙ..
එකෙන් බලල තමයි මම මූනු මගෙ බ්ලොගයටත් දාගත්තෙ.
ඉතින් එ ගැන මගෙ අවංක ස්තූතිය තිළිණ අයියටත්, පිස්සා අයියටත් පුදකර සිටිනවා

නැවත කමෙන්ට් කරද්දි පාඨක ඔබත් ඉමෝටික්ස් යොදාගන්න. එකට ස්කයිප් වලදි චැට් කරන විට යොදාගන්න code ම භාවිතා කරන්න.

මෙ තියෙන්නෙ උදාහරණ කීපයක්...(අකුරු අතර space නොතියා කොටන්න)
:D garupale
:)bising
:(bising
:Pgarupale

Friday, January 1, 2010

නව වසරට සුභ පැතුම්!!

කලින් ලිපිය පලකරල වැඩිකාලයක් ගියෙත් නැතුව මේ ලිපිය පල කරන්න සදුවුනෙ අලුත් අවුරුද්දකුත් ආපු නිසා...
2009 වසර මට වාසනාවන්ත උද්යෝගිමත් වසරක් විදියට අවසාන වෙලා නව 2010 වසරත් උදා වුනා. මම හිතනවා හැමෝටම 2009 මට වගේම හොඳ වෙන්න ඇති කියලා.

එහෙම උනත් නැතත් අතීතයට එක්වුන වසර අවසන් නිසා, අලුතින් ඇරඹුනු

2010 නව වසර
පාඨක ඔබ සැමට,
සාමය සතුට සෞභාග්‍ය 
පිරි 
සුභම සුභ නව වසරක් වේවා!!



ඉදිරි වසරේත් මට ශක්තියක් වමින් මගේ බ්ලොගය වටේට සිටින ලෙසත් ආරාධනා කරනවා....

Wednesday, December 30, 2009

අල පැදුර...

හැමෝම සතුටින් ඉන්නවා කියල හිතනවා. කාලෙකට පස්සෙ තමයි මම මේ පැත්තට ඔලුව දැම්මේ.
ලියන්න දෙවල් නම් තියෙනවා. කොහෙද ඒකටත් වෙලාවක් හොයාගන්න එක ලිපියක් හොයාගන්න එකටත් වඩා අමාරුයි නේ.
කොහොම හරි කමක් නෑ බ්ලොග් එකෙ වැඩත් කරගෙන යන්න එපායැ. වෙලාව ප්‍රශ්නයක් කරගෙනත් බෑනෙ. ඉතින් තිබුන වෙලාවෙන් ප්‍රයෝජන අරගෙන තමයි මේ ලිපිය හැදුවෙ.

අල පැදුර කිවුවම බලනවා ඇති මොකද්ද මේ කියලා. අල පැදුර කයන්නෙ කැලණිය විශ්වවිද්‍යාලයෙ, විද්‍යාපීඨ ශිෂ්‍ය සංගමයේ, දෙවන වසර සහෝදරත්වය විසින් අපිට (පළමු වසර නවකයින්ට) දුන්න විනෝද ජනක අත්දැකීමක් තමයි අල පැදුර.
විශ්වවිද්‍යාල ජීවිතය රසවත් කරන්න මේවගේ අවස්ථා සංවිධානය කිරීම පිළිබදව අපි අපේ දෙවන වසර සහෝදරත්වයට හුගාක් ස්තූකිවන්ත වෙනවා. නවක වදයෙන් තොර විශ්වවිද්‍යාල පරිසරයක් උරුමකර දුන් අපේ ජේෂ්ඨයින් එතැනින් නොනැවති අපි වෙනුවෙන් මේ වගේ කටයුතු සංවිධානය කිරීම පිළිබඳව නැවතත් ස්තූතිවන්ත වෙනවා....

අල පැදුර පැවැත්වුනේ පහුගිය 22වෙනෙදා.. ලිපිය සකස් කරන්නනම් ප්‍රමාද උනා. ඒ ගැන සමාවෙන්න.
මෙ තියෙන්නෙ අල පැදුරෙ රූපරාමු කීපයක්...





Wednesday, December 2, 2009

තොරතුරු තාක්ෂණ ප්‍රදර්ශනයක් මීරිගමදී......


කට්ටියටම ආයුබෝවන් කවුවා එහනෙම්...
අලුත් ආරන්චියක් අරගෙනයි මම අද ආවෙ. අලුත් කිවුවට අලුත්ම නෑ.....
මීරිගම පුරවරයේදී පළමු වරට තොරතුරු තාක්ෂණ ප්‍රදර්ශනයක් නැරඹීමේ අවකාශය දැන් උදා වෙලා තියෙනවා. දෙසැම්බර් 4,5 දවස් දෙක තුල Usermax ආයතන‍යෙදී තමයි ප්‍රදර්ශනය පවත්වන්න කටයුතු යොදා ‍ගෙන තියෙන්නෙ‍‍‍‍‍‍ .
එකෙදි දැක බලා ගන්න පුලුවන් මෙන්න මේවා.
  • ඔබ නොදුටු පරිගණක මහෙයුම් පද්ධති.
  • එක් පරිගණකයේ මහෙහෙයුම් පද්ධති කීපයක්.
  • ඔබ නොදත් අන්තර්ජාල රහස්.
  • පරිගණකයක් එකලස් කරන්න‍මෙහෙ‍මයි‍.
  • පරිගණකයේ කොටස් ඇතුලතින්.
  • විශේෂ තාක්ෂණික උපකරණ.
  • මුදුණය පිළිබඳ නොදත් දේ.
  • වීඩියෝ කැමරා තාක්ෂණය.
  • පරිගණක ක්‍රීඩා.
  • නිවාස, ගොඩනැගිලි සැලසුම් ශිල්පය.
  • අඩුවියදම් පරිගණක ජාලකරණය.
  • අපේ නගරයත් අන්තර්ජාලයට.
  • පරිගණක හා උපාංග අඩුමුදලට.
  • වැදගත්ම කාරණය-සින්හල බ්ලොග් ගැනත් දැනගන්න පුලුවන්.

හැමෝටම ප්‍රදර්ශනය නරඹන්න ආරාධනා කරමින් මම අදට නවතිනවා.....
මනේන එන පාර‍‍....








Saturday, October 24, 2009

විශ්වවිද්‍යාලයේ පළවෙනි දවස...

හැමෝටම අයුබෝවන් කිවුවා. කාලෙකට පස්සෙ තමයි අලුත් ලිපියක් පල කරන්නෙ. එ ඉතින් පහු ගිය කාලෙ වෙච්ච විශෙෂ දෙකුත් නොතිබ්බ නිසා ලියන්න දෙයක් කල්පනා උනෙත් නෑ. කොහොම හරි ඔන්න කාලෙකට පස්සෙ ලබපු මට නම් අලුත්ම අලුත් අත්දැකීමක් බ්ලොග් එකෙ ලියන්න හිතුවා.

ඒ තමයි මගේ විශ්වවිද්‍යාල ජීවිතයේ පළවෙනි දවස.

මමත් ඉතින් අමාරුවෙන් බෝට්ටුවට ගොඩ වෙලා කැලණිය විශ්වවිද්‍යාලයට මේ පාර(2008/2009 අධ්‍යන වර්ශය) නවක සිසුවෙක් විදියට යන්න වරම් ලබාගත්තා.

ඉතින් අපිව පිළිගන්න ඒන්න කියල තිබුනෙ ගිය සඳුදා(19/10/2009). ඉතින් හා හා පුරා කියලා විශ්වවිද්‍යාලයට යන මට නම් පළවෙනි දවස ගැන කිසිම අදහසක් තිබුනෙ නෑ. ඒ විතරක් නෙමේ අපි අහල තිබුන විශ්වවිද්‍යාල ජීවිතයේ සුන්දර වගේම නවක වදය වැනි මෙතෙක් අත්දැක නොතිබූ විවිධ අලුත් දේවල් නිසා පළවෙනි දවසෙ යන කොට හිත ඇතුලෙ තිබ්බ බයත් වැඩි උනා කිවුවොත් නිවැරදී.

අලුත් පරිසරයක අලුත් පිරිසක් එක්ක ගැටෙන්න වුනාම ඇතිවෙන චකිතයකින් යුතු හැඟීමකින් හිත කලබල වෙලා....

කැලණි විශ්වවිද්‍යාලයට ඇතුලුවන තැන කන්ද නගින්න පටන් ගත්තෙ මේවගේ දහසකුත් එකක් බලාපොරොත්තු, හැඟීම් වලින් යුතුවයි. පටන් ගන්න කොටම දෙපැත්තෙ තාප්ප සරසලා තියෙනවා දැක්කම අපිට හොඳ පිළිගැනීමක් තිබුන බව පසක් උනා..තාප්ප වල පින්තූරයක් දාන්න තිබ්බනම් පෙන්නන්න තිබුනා උද්ගෝෂන, ඉල්ලීම් කොච්චර තිබුනද කියලා.

එත් ඉතින් පාර දිගටම අයියලා අක්කලා ඉදගෙන අපි නොදන්න විශ්වවිද්‍යාල භූමියෙ යන්න ඕන තැන් පෙන්නන්න උනන්දු වුනා. මුලින්ම අපිව යොමු කලෙ ප්‍රධාන ආපන ශාලාවට. එකට යන්න අපිව යොමුකරලා පෝලිමට ප්‍රශ්න කරන්න ගත්තා. එකම ප්‍රශ්නය එක ලග ඉන්න හැමෝටම තිබුනා.
''මල්ලි කොහෙන්ද?''
''මොනාද කරන්නෙ?''
ඔය ප්‍රශ්නෙ අහන හැම කෙනෙකුටම උත්තර දෙන්න වග බලා ගත්තෙ ජේශ්ඨයින්ට තිබුන බය නිසා වෙන්න ඇති. නවකයින්ව පිළිගන්න ඔවුන් සැදී පැහැදී හිටියා. ෆයිල් කවරයකුත්, කිරිබත් කෑල්ලක සංග්‍රහයකුත් ඔවුන් අප වෙනුවෙන් සංවිධානය කරල තිබුනා. දෙමාපියන් සමග සිටි අපට එම කෙටි සංග්‍රහට අමතරව දෙශනයක් පැවැත්වීමටද ඔවුන් අමතක කලේ නෑ.

කෙසෙ වෙතත් විද්‍යාපීඨයේ ජේශ්ඨයින් පැවසූයේ, විද්‍යාපීඨය තුල රැග් කිරීමක් හෝ දේශපාලනයක් නොමැති බවයි.

උත්සව ශාලාවේ දී උපකුලපති තුමා ඇතුළු සියලුම ආචාර්ය මහාචාර්ය වරුන් විසින් අපව පිළිගත් අතර, ඔවුන් පැවසුවෙ රැග් කිරීම හා ශිෂ්‍යගැටුම් වැලැක් වීමට තමන්ට නොහැකි බවත් එ පිළිබද තමන් විසින් වග බලා ගත යුතු බවත්. අපට දුන් හීෂ්‍ය අත් පොතෙ තියෙන නවක වදය සම්බන්ද පනත කියවා එ අනුව කටයුතු කරන ලෙසත්.

ඉතින් මේ නුහුරු නුපුරුදු වටපිටාවට හුරු වන තුරු අපට මාසයක කාලයක් නිදයසෙ සිටින්නට ජේශ්ඨයින්ට නිවාඩු දී කටයුතු ආරම්බ කලා.

ඉතින් අපිට කරදරයක් නැතිව මාසයක් ඉන්න පුලුවන්. ඊට පස්සෙ දේවල් ගැන පසුව කතා කරමු.

සරසවිය

එදා ගුරුවරුන්
ටියුෂන් මාස්ටර්වරුන්
මැවු ලොව
සරසවිය ගැන

මෙදා
හරියට කෑමක් ද නෑ
නින්ද ද අහිමි ය
ජීවිතය විඳිනු වස්
සිව් වසරක්
ජීවිතය විඳවන අසපුවකි
සරසවිය
(මුදිත දසනායක, ඉන්ජිනේරු පීඨය,
රුහුණ විශ්වවිද්‍යාලය)

මෙක විදුසර පුවත් පතෙ පලවී තිබුන කවියක්.
මහි ඇත්ත නැත්ත අපිටම ඉස්සරහට බලාගන්න පුලුවන්...

Monday, September 28, 2009

ඩීන්සටන් චාරිකාව-2෴

සමාවෙන්න ඕනෙ මේ ලිපිය ප්‍රමාද වුනාට.
වැඩිපු කතා කරන්න දෙයක් ඉතිරි නොකරම කලින් ලිපියෙන් මම චාරිකාව ගැන සවිස්තරව දැක්වූ නිසා, මෙම ලිපියෙන් ඡායාරූප පෙළ පමණක් පළ කිරීමට මම හිතුවා.











උදිත් ගේ ඉල්ලීමට ප්‍රතිචාර වශයෙනි.
(ගූගල් මැප් හි මාර්ගය දක්වා නොමැති බැවින් රූපවාහියෙ සැරිසර සෞන්ධර්ය චාරිකාවෙන් උපුටාගත් මාර්ග සිත්යම් මෙහි පළකර ඇත.)









හුන්නස්ගිරිය නගරය හා ලූල්වත්ත මාර්ගයට අවතීර්ණවන සන්ධිය.
(හුන්නස්ගිරිය නගරය පසුකර ලූල්වත්ත මාර්ගයෙ ගමන්කරන විට ඩීන්සටන් හමුවේ.)

















අතර මගදී ගත් දසුන් පාළක්...







කුඩා ලෝකාන්තයේදී ගත් දසුන් පෙළක්.



කල්පනා සාගරයක සිටින ටිකිරියා...























සුන්දර ඩීන්ස්ටන් චාරිකාවේ අවට දසුන් පෙළක්...









නිසි බලදරයා විසින් කපා හරින ලදී.



වතුරනම් සෑහෙන සීතලයි...









යන ගමන්...



ඩීන්සටන් චාරිකාවේ අවසන් සටහන මෙතෙකින් නිමා වුනත් ශ්‍රී ලංකාවෙ සුන්දරත්වය නිමා වී නොමැත. තවත් බලන්නට දේ බොහෝය...
ඉතින් තවමත් පරිසර සුවිසැරියක නොගියේ නම් නරඹීම අරඹන්න... බොහෝ දේ ඇත නරඹන්න...