පොළොන්නරු චාරිකාව හා විභාග සාප්තැම්බරය

සැප්තැම්බර් මාසෙත් අවසානෙටම ඇවිත්. ගිය පාර කිවුවට මොකද පොළොන්නරු ගිය ගමනක් ගැන කියනවැයි කියල තාම බැරි උනා ඒක කරන්න. ඒ ඉතිං හැමදාම වගේ වෙන වැඩ හිංදයි කයමුකෝ. මේ සැප්තැම්බරේ නම් සම්පූර්ණයෙන්ම වගේ විභාග මාසයක්. මාසයක් තියලවත් ඉවරකර ගන්න බැරි උන විභාගේ ඕන්න ලබන මාසෙ පළවෙනිද දෙවෙනිදත් පැවැත්වෙනවා. මේ විභාගෙත් එක්ක කාලය ගෙවපු නිසාවෙන්ම කාලය ගතඋනා දැනුනෙත්  නැති තරම්...

පොළොන්නරු චාරිකාව....
පොළොන්රු චාරිකාව ගැන දැං කියන්නම්. මේ චාරිකාව සංවිධානය කලේ කැළණිය විශ්වවිද්‍යාලීය භෞතික විද්‍යා සංගමය විසින්. ක්ෂේත්‍ර චාරිකාවක් හැටියට. චාරිකාවට වැඩියෙන් සහභාගි වෙලා තිබුනේ දෙවන වසර සහ තෙවන වසර අයියල අක්කල. ප්‍රථම වසර අපෙන් හිටියෙ තුන් දෙනයි. හැබැයි චාරිකාව නිසාම දැන් දෙවන තෙවන වසර වල අයියල අක්කලත් සෑහෙන හඳුනගන්නත් හොඳ අවස්ථාවක් හමුබුනා. එදින දවසම වැසිබර කාළගුණයක් තිමයි පරිසරයේ තිබුනේ. පොළොන්නරු ද නුවරඑළියෙ යනවද කියල හිතාගන්න බැරි තරමට සීතලයි.

චාරිකාවේ ප්‍රධාන අරමුණ වුනේ, පොළොන්නරුව ප්‍රදේශයේ වාරි කර්මාන්තය පිළිබඳ අධ්‍යනය කිරීමයි. 

 පේනවනේ කට්ටිය වැස්සෙම සොරොව්ව නරඹන හැටි

මේ මින්නේරිය වැවේ පිටවාන

අපිට මේ ගැන තොරතුරු විස්තර මින්නේරිය වාරිමාර්‍ගග ඉංජිනේරු කාරියාලයේ වැඩබලන ඉංජිනේරු මහතාත් වැසි නොබලා පැමිණියා. ඒ පිළිබඳව එතුමන්ටත් ස්තූතිවන්ත වෙන්න ඕනේ.

මින්නේරිය වැවේ ජයන්ති සොරොව්ව අසල

මේ ඡායාරූප පෙළේ දැක්වෙන්නේ පරාක්‍රම සම්‍රද්‍රයේ බිසෝකොටුව අසල

බිසොකොටුව ගැන යමක් කිවුවොත්,

බිසෝකොටුව කියන්නේ වැවක ජලය සොරොව්වෙන් පිටතට ගැනීමට පැරැන්ණන් භාවිතා කල අපූර් ක්‍රම වේදයක්. පැරණි යුගයයේදී අද වැනි සොරොව් ගේට්ටු භාවිතයක් ති‍බුනෙ නෑනෙ. ඉතින් සොරොව්වේ ජලය පාලනය කලේ ඊට පහලින් ගල් දමා වැනි ආකාරයකට සොරොව් කට හරස් කිරීමේන්. මේ අකාරයට එකවරම පහලට යන ජල පහර හරස් වුනාම ඉන් ඇතිවන බලපෑම නැවත පැමිණ සොරොව්වට හානි පැමීනිය හැකි. එය වැලැක් වීමට ‍බිසෝකොටුව කියන හතරුස් නිර්මාණය සොරොව්වට ඉහලින් වැව තුල පිහිටුවනවා. ඒකෙන් නැවත පැමිනේන රැල්ලෙන් සොරොව්වත් වැවු බැම්මත් ආරක්ෂා වෙනවා. 

බලන්න අපේ පැරැන්ණන්ගෙ ඉහල ඉංජිනේරු දැනුම................

ඊට පස්සෙ අපි ගියේ පොලොන්නරුව කෞතුකාගාරයට. ඒකෙ මුලු පොළොන්නරු ඉතිහාසයම විස්තර වෙන විදියට පුරාවස්තු තැන්පත් කරල තියන වටිනා සිථානයක්. පොළොන්නරුව බලන්න කලිං මෙතනට ගියොත් පහසුවෙන් පොළොන්නරු රාජධානිය පැවැත්ම, ඉතිහාසය ගැන අවබෝධයක් ලබාගෙනම පුරාවිද්‍යා ස්ථාන වලට යන්න පුලුවන්.

එදා රාත්‍රිය අපි නැවතුනේ පොළොන්නරුව වෙළඳ සංගමය විසින් පිහිටුවල තිබුන විශ්‍රාම ශා‍ලාවේ. පරාක්‍රම සමුදුය මායිමේ තිබුන මේ ස්ථානයත් හරිම අපූරුයි. 

ආ... කට්ටිය බලනවා ඇති මෙච්චර කොල්ලො ගොඩකුත් ට්‍රිප් එකක් ගිහින් වැවකට බැස්සෙ නැත්තෙ මොකද කියල. බැස්සෙ නෑ නෙමෙයි. අපි වැවට බැස්සේ රෑ 8ට විතර. පැයක් විතර වැවේ නෑ‍වා. ඒකත් හිරිම අපූරු අත්දැකීමක්. රෑ ජාමේ වැවක නාන්න ලැබුනු එක.... (:D)

 පොළොන්නරුවේ පුරාවිද්‍යා සථාන කීපයක්

ඒ අතරෙ අපිට වස්ගමුව වනොද්‍යානය ඇතුලටත් යන්න ලැබුනා. ඒ පරාක්‍රම සමුද්‍රයට වතුර හරවන ව්‍යාපෟතිය බලන්න. මේ තියෙන්නේ ඒ චාරිකාවේ පාරිසරික අත්දැකීම්....

 මමත් වැඩිපුරම කැමති පරිසර සංචාරවලටනේ. ඉතිං දිගට හරහට පළලට ගහපු පිංතූර ගොනුවෙන් ටිකක් තමයි මේ.

අපේ පොළොන්නරු චාරිකාවනම් බොහෝම අපූරු එකක්.
එ‍් ගැන චාරිකාව සංවිධානය කල දෙවන වසර අයියල අක්කලට හුඟාක් සතූතියි....

අපූරු ලවු ලෙටර් එක :P

කොහොමද කට්ටියගෙ සැප සනීප. මටත් ඉතිං කියන්න තරම් හොඳකුත් නෑ. 

ඔන්න අද කියන්න යන්නෙ මං මෙච්චර කල් කිවුවට වඩා ටිකක් වෙනස් කතාවක්. මෙච්චර කල් වැඩියෙන්ම ලියල තියෙන්නේ මං ගියපු සංචාරයන් ගැනනෙ. අහ්. මේත් එක්කම කියන්නම් කො. ළඟදිම පොලොන්නරුව පැත්තෙ ගිය කතාවකුත් බලාපොරොත්තුවෙන්න පුලුවන්. මට වෙලාව හම්බුනාම ලියල දාන්නම් කො. 

හරි.. බලමු මොකද්ද මේ කතාව කියල. ඉස්සෙල්ලම පහල තියෙන රූපෙ තෙරුම් ගන්න බලන්න.....

--------------------------------------------------------------------------------------------------------

#include

#define Negative “I do not”                        //recommended

#define Positive “I do”                                   //for advance use only

/*globel data declaration*/

int option;                                             /*option is an integer value for express your result, before take option                       

                                                            please execute program*/

void main(){

char input[10];

void switch1();

/*Main input*/

Input={I, ,L,o,v,e, ,Y,o,u,};     /*data input by me*/

/*processing*/

if (you_have != Boy_friend)

    scanef(“%d”, option);/*          

switch1();                                              /*calling main result function*/

}

void switch1(){

switch(option){

                case 1 : printf(“Negative-I don’t know you”);

                break;

    case 2 : printf(“Negative-in a relationship”);

    break;

                case 3 : printf(“Negative-I don’t like you”) ;

                break;  

    case 4 : printf(“Negative-You only a friend”);

                break;

                case 5 : printf(“Negative-You are abnormal :P”);

                break;

                case 6 : printf(“Positive-need a explain”);

                break;  

    case 7 : printf(“positive-I love you too);

    break;

}

}

------------------------------------------------------------------------------------------------------------

C ගැන දන්න කට්ටියටනම් පහසුවෙන්ම තේරුම් ගන්න පුලුවන් වෙයි. අනිත් අයටත් කියවෙන්නෙ මොකද්ද කියල හරි තේරෙයි මං හිතන්නේ. 

ඔය අපේ පිස්සු බුවෙක් කෙල්ලෙකුට දුන්න එකක්. 

වැඩේ නම් කෙරුනෙ නෑ. අර අලුත් තාලෙකට ආදරේ කරන්න හිතුන හින්ද දෙන්නම දන්න වෙනත් භාෂාවකින් අහන්න ඕනයි කියල හිතල තමයි ඔය විදියට ප්‍රෝග්‍රෑම් එකක් ලිව්වේ. හැබැයි compile සහ runtime errors ගෝඩාක් තිබුනලු. කොම්පියුටර් වලට හැඟීම් නෑ නෙ. ඉතිං පරිගණක භාෂාවකින් කරන්න පුලුවන් වැඩක්යැ මේක.. හි හි....

ඔයාලත් කෙල්ලෙකුට ට්‍රයි කරනවනම්, ටිකක් වෙනස් විදියකට වැඩේට බැහැල බලන්න... මේකට හරි නොගියට සමහර විට අලුත් ක්‍රමයකින් වැඩේ ලස්සනට ගොඩයයි. ඔන්න මම අලුත් අදහසක් දුන්නා.. හිකිස්.. හැබැයි ගුටිකන්න වුනොත් හරි පිස්සෙක් කියල පිස්සං කොටුවෙන් ඇවිත් අරං ගියොත් හරි මට නම් වග කියන්න බෑ.... ;)

එහෙනම්, ලඟදිම පොලොන්නරු චාරිකාවත් එක්ක හම්බෙමු. 

මේ ගැන අදහස් දක්වල යන්න අමතක කරන්න එපා........

සිතාගත නොහැකි ජීවිතය...

ළඟ එන කුනාටුවක සේයාවක්ද

නැතිනම් සැන්දෑ ඉර බසිනා සනුදර දසුනක්ද

සිතාගනු නුහුණු දසුනින් මුසපත් වූ ඔහු

තනිවම එහෙත් ඈත එපිට කෙලවරක් දිහා බලා සිටී

ඇත්තෙන්ම එය කෙලවර වේද

ජීවිතයත් ඒ වගේ...

විටෙක කුනාටුවලට හසුව ගසාගෙන යයි

විටෙක සුන්දර දසුන් මවයි

එහෙත් ජීවිතය තවමත් ජීවත් වේ.... 

මරණය පැමිනෙණ තුරා ඔහු ජීවත් වේ....

තනිවම අපුරු සිතැඟියාවන්ගෙන් පිරී ඔහු තවමත් ජීවත් වේ.....

සිතට දැනුන සිතුවිල්ලක්

සෑහෙන කාලෙකට පස්සෙ... හරියට මේ මාසෙ පොස්ට් එක දාල යන්න ආවා.

මං මේ කියන්න යන්නෙ මගේ හිතට දැනුන දෙයක් ගැන. ඇත්තම කිවුවොත් කාටත් වගේ ආදරය කියල සංශිප්තව කියමුකො.

ආදරය කියන හැඟිම ගැන කතා කරන්න පුද්ගලිකව මං අකමැතියි.මොකද හුඟාක් අය ඔක ගැන කතා කරනවානෙ. ඒත් මේ අවස්තාවෙදි මත් මේ මාතෘකාව යටතේ වචන ස්වල්පයක් ඔබ හමුවේ තියනවා.

ආදරය කියන හැඟීමට විවිධාකාර පැතිකඩ තියෙනවානෙ. උදාහරණයක් විදියට, අම්ම දරුවන්ට දක්වන ආදරය, තාත්තගෙ ආදරය, කෙල්ලෙක් කොල්ලෙක් අතර ඇතිවන ආදරය.... ඔය යනාධි වශයෙන්.
ඉතිං හුඟාක් අය ආදරය යටතේ කතා බහ කරන්නෙ වැඩිපුරම ‍මං අන්තිමට කියපු කෙල්ලො කොල්ලො අතර සිදුවන ආදරය ගැන.

ආදරය කියන්නෙ මිනිස් හැඟීමක් නිසා ඒක මිනිසාට අවශ්‍යයි. ඇත්තටම කිවුවොත් මිනිසාට පමණක් සීමා නොවුණ හැම ජීවියෙක්ම සතුවන විශ්වීය හැඟීමක් කියන එක තමයි වඩාත් නිවැරදි.

කෙනෙක් ජීවිතයට ආදරය අවශ්‍යද කියල ඇහුවොත් ඔබ මොකද්ද දෙන පිළිතුර? නිසැකවම 'ඔවු' එහෙම නේද.. කීප දෙනෙකුට 'නෑ' වෙන්නත් පුලුවන්. හැබැයි ඒ අයත් ජීවිතයෙ කාගෙන්ම හරි ආදරයක් ලබල ඇති.

දෙමාපියන් තමන්ගෙ දරුවන්ට දක්වන ආදරයත් තරුණ කාලෙට ඇතිවන ආදරයයි අතර වෙනසක් තියෙනවා.

තරුණ වියේදි අපි ආදරය හොයා යනවද? නැත්තම් ආදරය අපිව හොයාගෙන එනවද? කිවුවත් වගෙ ''මේක වයසෙ වැරැද්දක්ද.'' පුංචි කාලෙදි මේ හැඟිම ගැන ලොකු වැටහීමක් නෑනෙ. ඉතිං අපිට කිසිම වෙනසක් දැනෙන්නෙ නෑ. ඒත් ටික ටික ලොකුවෙද්දි අපි විවිධ දේවලට ආදරේ කරන්න ගන්නවා, හුදෙක් එක ආලයක්. ඒ කියන්නේ ඒ දේවල් තමංගෙ කර ගන්න දක්වන ආශාවක්.. ඔන්න ඔය විදියට ඇරඹෙන ආදරය අන්තිමට විරුද්ධ ලිංගික පාර්ශවය කෙරෙහි යොමුවෙන්නේ ස්වාභාවිකව.

ඒ හැඟීම නියමාකාරව විස්තර කරන්න පුලුවන්ද? මට නම් බෑ.

එක එක අයව දැකල දැකල අන්තිම ඇහැ විශෙෂ කෙනෙක් එක්ක නතර වෙන්නෙ... නොදැනුවත්වමද...
නිතර එ කෙනාව දකින්න මුලින් ඇතිවන ආශාව... එතන ඉඳල විවිධ දේවල්......

අපි හැඟීම් පාලනය කළ යුතුද? මගේ තීරණය නම් ඔවු. අපිට බැහැ දකින දකින දේට ආදරය කරන්න. ආදරය කරන්න ගියාම ඒ දෙයට ඇතිවන ආශාව හමුවෙ 'නැතිවීම' දුකක් වන තැනට පත් වෙනවා. ඉතිං හමදේම නැති නොවුනට හැමදේම පවතින්නෙත් නෑනෙ. ආදරයත් ඒ වගේ කියලයි මට නම් හිතෙන්නෙ.

පහුගිය ටිකේ කාලය ගෙවුන හැටි.

අහ්..ඕං මගේ කෘත්‍රීම ජීවිතේ ගැන කලිං පෝස්ට් එකෙන් කතා කලානෙ. දැං මේ පහුගිය දොහේ දි මං කොරපු කියපු දේවල් ටිකත් කැටි කොට දක්වන්නයි සූදානම.

අපි පහුගිය වෙසක් පෝයට සංවිධානය කලා බෙලි මල් දන්සලක්. සංවිධායක වරුන් වුනේ තරංග අයියා ප්‍රමුක යූසර් මැක්සං ආයතනය. ඉතිං මාත් ගියා උදවුවට..

 

 

  

  

ගිය ඕං යාන්තම් හම්බුවෙලා තිබුන නිවාඩුවත් ඉවරයි. ගහ ගෙන වහ ගත්තු අපේ පෙරපාසලත් අයෙ පටන් ගත්තා නෙ ගිය බ්‍රහස්පතින්ද. දැං ඉතිං අර කිවුවත් වගේ කෘත්‍රීම ජීවිතයට අයෙ හුරු වෙන්න ඕන. ඒ කියන්නෙ යකාගෙ කම්මලේ වැඩ අයෙ පටං ගන්න වෙනවා..දැං නම් වස කම්මැලි. මාසයක් ගෙදරට වෙලා ඉඳලා ආයෙම වැඩට බහින්න උනාම.... හම් මොනා කරන්නද ඉතිං.

මාත් ඉතිං සිකුරාද ඉඳල යන්න පටන් ගත්තා. ආ.... සිකුරාදා ඒ කියන්නේ 11 වෙනිද ඉන්ද්‍රනාත් තේනුවර සර් තියපු පැනොරාමා ඡායාරූප ප්‍රදර්ශනය බලන්න කැම්පස් බුවාල ටිකකුත් එක්ක සෙට් උනා. පැනොරාමා කියන්නෙ ෆ්‍රේම් කිහිපයකට ගත්තු ඡායාරූප රැසක් එකලස් කරල තනි ඡායාරූපයක් සාදාගැනීමේ කලාවයි. ලංකාවෙදි ප්‍රථම ‍වරටයි මේ වගේ ඡායාරූප එකතුවක් නරඹන්න ලැබෙන්නෙ.

මේ පිංතූරෙ ගැනත් ලොකු කතාවක් ගියා... ඒ ගැන මෙතනින් රිංගලා හසිතගෙන් අහන්නකෝ..

ඕං ඔහොම තමයි පහුගිය දොහේ වැඩ සිද්ධ වුනේ. කොහොම හරි මේ දවස් වල FIFA 2010 world cup එකත් පටන් ගත්තු නිසා ඒකත් බලන්න ඕනෙ. මේ පාර කවුරු ගනීද දන්නෑනෙ කප් එක. world cup උන කොච්චරද කියනවනම් මාස 3, 4කට පස්සෙ පිට්ටනිය පැත්තෙ ගියා ෆුට්බෝල් ගහන්න... :D

ඔය ඔක්කොමත් එක්ක පොඩි දුක හිතෙන දේකුත් තියෙනවා. මූනු පොතේ හිටපු හොඳම මිතුරියක් අහිමි උනා. :( පෙරලුනු පිට හොඳයි කියල දැං මූනු පොතටත් සීමා පනවල එකෙ‍නුත් ඈත් වෙන්නයි මේ දවස් වල උත්සහ කරන්නෙ. 

ඉතිං ඔය වගෙ එකී මෙකී නොකී දෙවල් එක්ක අයෙ හමුවෙමු.....

කෘතීම ජීවිතය

     සිතුවිලි අකල් මරණයකට ගොදුරු විය. සිතන්නට ඉඩ හසරක් නොවූ මනස යාන්ත්‍රික විය. මා හඹාගිය ජීවිතය මා පසුපස හඹා එන්නට විය. පරක් තෙරක් නොමැති දිවි සයුර මැද කුඹ ගසද හබල් ද අහිමි ජීව නෞකාව තනිවිය. දටු කිසිවක් එහි නොවුනි. අවසානයේ සියල්ල සිහිනයක් විය. මවාගත් ලොවක් විය. 

පිවිසුනෙමි වර්තමානයට

විවර කලෙමි වසාගෙන සිටි දෑස 

අවසන් කලෙමි දුටු සිහිනය

පැවසුවා වුවද නොදුටු බව සිහිනයක්, සිතා සිටියා වුවද නොරැවටුන බව තමන්, සිදුව තිබුනේ එයම නොවේද...

බලව දෑස් හැර, අවට ඇතිදැයි කිසිත්

ඇත ඒ සිහිනයෙන් දුටු දේ නොව, අන් යමකි

පලක් ඇත්දැයි නොවැටහෙන යමකි

සුන්දරත්වය, සතුට, කොහිද ජීවිතයට ඇත්තේ? ‍නොතේරෙන නුමුදු දුක් ගැහැටින් පිරි ඉතිරුනු ජීවිතයකි ඇත්තේ...

සිනහව බලෙන් ඔබ්බවන ලද්දකි, ප්‍රිය වචනය තියුණු තුඩකින් කැටයම් කරන ලද්දකි, පාට තීන්තෙන් සායම් කරන ලද දැඩි සේ කෘතීමකරණය වූ යමකි ජීවිතය...

සපල බලාපොරොත්තු, ස්වාභාවිකත්වය, නිර්මාණශීලීත්වය යි අහිමි ජීවිතයට සදාකල්හිම...

එසේනම් කුමටද මේ කෘතීම ජීවිතය???

කිතුල්ගලදි ඇඩ්වෙන්චර් අත්දැකීමක්........

දැන් නම් මගේ බ්ලොගයේ නම ශ්‍රී ලාංකාව වටා කියල වෙනස් කරන්න හිතෙනවා...ඇයි මේකෙ වැඩිපුරම දාලා තියෙන්නෙ මම ගියපු චාරිකා ගැන විස්තරනේ.. හා කමක් නෑ. මේ තවත් චාරිකාවක් ගැන ලියන්නයි හදන්නේ.

අප්‍රේල් 28 වෙනිද පෝය දවසේ අපි ගියා කිතුල්ගල. ඒ ඇඩ්වෙන්චර් අත්දැකීමක් ලබන්න. කිතුල්ගල පිහිටීමත් ප්‍රදේශය හරහා ගලා බසින කැලණි ගඟත් නිසා මේ ප්‍රදේශය ඇඩ්වෙන්චර් අත් දැකීමක් ලබන්න කියාපු ප්‍රදේශය. ඒ නිසාමද කොහෙද, ඇඩ්වෙන්චර් කෑම්ප් කිහිපයක්ම මෙහේ පිහිටලා තියෙනවා. අපිත් කලින් වෙන් කරවාගෙන තිබුන මෙවැනි ආයතනයකට තමයි ගියේ. ඒ ඇඩ්වෙන්චර් බේස් කෑම්ප් කිතුල්ගල..

දැන් බලනවා ඇති කවුද මේ අපි කියල නේද.. අපි කිවුවේ මීරිගම යුසර්මැක්ස් ආයතනයේ අධිපති තුමයි, සේවක මණ්ඩලයයි, තව දන්න කියන අය කීපදෙනෙකුයි. ගමන සංවිධානය කලේ තරංග අයියා, යුසර්මැක්ස් අධිපති තුමා. පටන් ගනිද්දිම තරංග අයියට ස්තූතිවන්ත වෙන්න ඕනෙ......

මේ ඉන්නේ තරංග අයියා.... :D

උදෙ 7ට විතර අපි පිටත් වෙලා මගදි උදේට කාලා එහෙම කිතුල්ගලට ලං වෙද්දි 10 විතර වුනා.  

එතන බොහොම ලස්සන තැනක්. පහලින් කැලණි ගඟ ගලාගෙන යන සද්දෙත් එක්ක පරිසරයත් එක්කම පවතින විදියට කෑම්ප් එක හදල තියෙන්නෙ.

 

වචන වලින් කියනවට වඩා ඡායාරූප වලින් ලොකු දෙයක් කියන්න පුළුවන් නේ. ඉතින් ඉහත ඡයාරූපවල පල වෙන්නේ ඒ අවට ප්‍රදේශයේ දසුන් කිහිපයක්. 

තවත් ප්‍රමාද නොවී අපි ඇඩ්වෙන්චර් අත්දැකීම ලබන්න කැළණි ගඟට වැටෙන දිය පාරක ඉහත ප්‍රදේශය දක්වා ගියා. අපිට ජීවිතාරක්ෂක කබා එම ස්ථානයෙන් සැපයුනා. ඒවගේම ගමන් මග පෙන්වන්නෙකුද අපි සමග ගියා. 

ඔය ඉන්නෙ ඉතින් මමනේ, දැකල නැත්තම් බලාගන්නකෝ ;)

මේ තියෙන්නේ දිය පාර දිගේ දාපු වැඩ....

කොහොමද වැඩ...

දැං ඉතිං ලිස්සල යන්න ඕනේ...

 

පේනවට වඩානම් ගැඹුරුයි....

ඉතින් මේ ඔක්කොම අත්දැකීම් ලබලා විනොද වෙලා අපි ආපහු ආවා කෑම්ප් එකට. කැළණි ග‍‍ඟෙන් නලා එහෙම දවල් කෑමත් එතනින්ම ගත්තා. ආහාර සැපයීම නම් කෑම්ප් එකෙන්ම සිදුකෙරෙනවා. 

ඉතිං අපි එහෙදි ලබපු අත්දැකීමුත් කියනවාට වඩා බලලම හිතාගන්නකො. මේ පහල තියෙන වීඩියෝ පටය බලන්න. 

මෙම වීඩියොපටයේ අපහැදිලි බව ගැන කණගාටුව ප්‍රකාශකරනවා. අපි ඉතින් ලිමිටඩ් මිනිස්සුනේ. මීට වඩා හොඳ වීඩියෝ එකක් දාන්න තරම් දත්ත වත්කමක් නෑනේ. 

මේ පරිසරයේ සුන්දරත්වය විඳ ගන්න ආරාධනා කරමින්, තවත් ලිපියකින් හමුවන තෙක් ආයුබොවන්!!...